Cantar d´amor

Cantar d´amor

Porque naide lo sabe
y a naide-y importa
esti amor que t´entrego
si te quiero y lo sabes,
nes tos manes rebusco
una antigua esperanza,
la callada ternura,
la lluz de la mañana.
Ta cansada la tierra
y nun dices palabres
como piedra, pesllada,
como peña en silenciu.
Pero yes tierra y sangre
y na arena insaciable
del amor y la vida
va enterrate´l deseyu.

Porque naide lo piensa
y nun somos distintos
y te quiero y lo sabes.

de Antón García, La mirada aliella Poesía reunida 1981-2006, Col. Tiempu de Cristal, Atenéu Obrero de Xixón, 2oo7.