1 comentarios:

p.a.marín estrada | 18 de junio de 2007, 17:45

comparto la to estupefación indignada, jenny. la cárcel, de mano, nun ye sitiu onde merezan tar la mayoridá de los que tán ende, namás unos cuntaos indeseables merecen tar nun sitiu asina, mesmo dellos xueces, como'l que dictó la orde de prixón contra cándido y morala habíen pasar nel trullu una temporadina como reciclax profesional. nun quito méritos nesti desaguisáu ensin pies nin cabeza que lleva a meter presos a dos persones honraes a los políticos que llaven la propia concencia con bonos deseos, sicasí cuido que los verdaderos responsables son los xueces y fiscales que consideraron a cándido y morala autores d'un delitu de kale borroka. dalgo güel a podre na maxistratura española y n'asturies, fiede tovía más: por exemplu la xueza Rosario Hevia que nun vio prebes incriminatories contra los dos sindicalistes de la Corriente y que tien espresao d'abondo públicamente la so opinión crítica tocante a la Xusticia nesti estáu (mesmo llegó presentase a les elecciones al decanatu de los xueces de Xixón, desafiando a les candidatures oficiales) tien abiertu un espediente por acumulación de casos ensin solventar... Ún nun refuga tanto de los políticos con bona o mala concencia, qu'a la fin pueden sofitase o refugase colos votos ciudadanos como de los xueces y fiscales que pueden decidir alrodiu'l destín y la llibertá de les persones con una omnipotencia namás comparable a la de Dios o a la de los inquisidores...
polo demás, ehí va la voz d'ún que tamién glaya llibertá pa cándido y morala y contra'l silenciu escandalosu de los sindicatos mayoritarios -contra la boca piquiñina de los hipócretes- énte esti atropellu dignu de los tiempos de la dictadura fascista...

Publicar un comentario

Suscribirse a: Enviar comentarios (Atom)