Ta en caldia la nueche

Ta en caldia la nueche

Ta en caldia la nueche,
amiyen les curuxes d´asfaltu,
el batulax de voces llonxanes,
el rux rux de la xorda prieto.

Bird,
que remanez muy cuerdu en Camarillo
france toles siendes
col saxo altu, al aldu de flores nueves.
Bird anda a la tema cola lluna pa ver
a quién-y pertenez la nueche.
Que ta en caldia.

La madera dulzayo del boubon,
esti tren certeru que calistra peles venes
dan-y gracia a la mio mano, pero
pa qué siguir escribiendo si
la nueche ta en caldia.

Pablo Texón, Toles siendes, Trabe, Uvieu, 2005