Arte y ensayu

Arte y ensayu

Xugábemos a facer películes
na tarde incierta,
a confundir momentos con escenes,
a planificar la midida de la guapura,
a cuantificar el tiempu del dolor

Facíemos películes coles nuestres vides
-sesión continua d’inconsciencia-
pa ser a algamar a onde solo algama
la mano perfecta y fatua de la ficción,
p’asomamos a los precipicios
porque asina lo mandaba’l guionista,
facedor remotu y cruel de la risa

Y aquella orquesta invisible y certera
improvisando febrilmente
una banda sonora

Xugábemos a facer películes
na tarde incierta.
Será por eso que lo recuerdo
too en blanco y negro.
Amor, somos un clásicu del desamor.

de Pablo Texón.

Pablo Texón estará leyendo sus poemas esta tarde en el teatro Laboral Escena (Gijón) a las 20.30 h. y mañana en el Teatro Lope de Vega (Sevilla) junto con el grupo Veenfabriek.