La facultá de Playmobil
De siempre perturbáronme muncho eses cases de muestra nes que too ye de mentira. Nun hai llibros, namás un molde que finxe tapar varios tomos de los clásicos indispensables. Les plantes son de plásticu. Na nevera, ná se pue comer, salvo cola imaxinación, como cuando xugábemos de nenos a les cocinites. Toa esa farsa de hogar provocaba nel mio sentir una inquietú que tardaba hores en pasar. Y, dalgunes veces, duraba díes qu'afanaba en fixame bien en toes les coses y en la so realidá.
Son les cases fantasma, les ilusiones d'un magu que na más quier que dexanos mui dientro del sombreru, xunto al coneyu y les palombes, ensin salir xamás.
Dempués de la última reunión de xunta de facultá na Universidad de Oviedo, el plásticu paez habese expandío como una epidemia. Dempués de tanto falar del carácter científicu de les humanidaes, de la importancia de la precisón nes investigaciones, resulta que la ciencia ye relativa. Hai ciencia, sí, pero nun siempre vamos usala -podía lleese ente llínees nos comentarios de parte del profesorao y dellos estudiantes que taben na xunta del martes fatídicu. Al contrario, vamos a obviar lo que eso nos supón: amor pola filoloxía, poles palabres, pol mou de falar de la xente, incluso cuando nun fala como nós. Vamos a apostar pola redución, pol reivindicáu pensamientu únicu, pola tierra plana, por un sol que se mueve en derredor nuestro.
Na facultá de filoloxía, por si dalgún nun lo sabe, nun se estudiará asturianu. Nin como maior, ni minor, ni títulu ni optativa. Na faculta de filoloxía, que ye mui guapa y tien verde y necesita alumnos mozos y investiga aquello que ye importante pa qu'una sociedá progrese y nun la devore la teunoloxía, tien un revestimientu falsu. Pues dir a la faculta de filoloxía y xugar a que estudies, lo mesmo que cola granxa de Playmobil hai quien cree que ta catando vaques.
Artículo escrito tras la Junta de Facultad del 24 de junio y publicado en Les noticies dixital.
Son les cases fantasma, les ilusiones d'un magu que na más quier que dexanos mui dientro del sombreru, xunto al coneyu y les palombes, ensin salir xamás.
Dempués de la última reunión de xunta de facultá na Universidad de Oviedo, el plásticu paez habese expandío como una epidemia. Dempués de tanto falar del carácter científicu de les humanidaes, de la importancia de la precisón nes investigaciones, resulta que la ciencia ye relativa. Hai ciencia, sí, pero nun siempre vamos usala -podía lleese ente llínees nos comentarios de parte del profesorao y dellos estudiantes que taben na xunta del martes fatídicu. Al contrario, vamos a obviar lo que eso nos supón: amor pola filoloxía, poles palabres, pol mou de falar de la xente, incluso cuando nun fala como nós. Vamos a apostar pola redución, pol reivindicáu pensamientu únicu, pola tierra plana, por un sol que se mueve en derredor nuestro.
Na facultá de filoloxía, por si dalgún nun lo sabe, nun se estudiará asturianu. Nin como maior, ni minor, ni títulu ni optativa. Na faculta de filoloxía, que ye mui guapa y tien verde y necesita alumnos mozos y investiga aquello que ye importante pa qu'una sociedá progrese y nun la devore la teunoloxía, tien un revestimientu falsu. Pues dir a la faculta de filoloxía y xugar a que estudies, lo mesmo que cola granxa de Playmobil hai quien cree que ta catando vaques.
Artículo escrito tras la Junta de Facultad del 24 de junio y publicado en Les noticies dixital.
1 comentarios:
eso nun ye una facultá, ye una casa putas
Publicar un comentario