Kamchatka o Brasil

Kamchatka o Brasil

Igual tien razón y ye
eso lo que m’espera,
ye esi’l mio sitiu, mediu
añu de nueche perpetua d’osos y
salmones, allumaos
tan solo pola llingua
incierta pero corpórea de los
volcanes,

igual la busca ye namás escuridá.
Y fríu.
La busca que dura, que tien que durar,
una vida nin más nin menos,
y pa esti viaxe
nun pue haber compañía,
pues solo hai sitiu pa una persona más en
Kamchatka

Soledá, escuridá y dureza

Pero tovía nun falemos de Brasil.
Y Brasil esiste.


de Pablo Texón, La culpa y la lluz, Trabe, 2oo8.