De toes
ye esta xera la más difícil.
Nombrate, falar de los tos güeyos
o esa marea de carbón, to pelo,
onde quiero sumerxir por siempre
les manes.
De toos
ye esti amor el más complexu
polos mil y pico miéos
que nos invaden, o la certeza
de nun tar faciendo na bueno
pa naide.
De tantes
tardes como tengo na memoria,
nueches fráxiles, escures como
una mentira, son les tuyes
tan pures, perfectes,
que too esto duel
como recordar la primer cosa
que nos fizo ilusión
na vida.

Este poema salía publicado hoy en Cultura de La Nueva España, con motivo de la Selmana de les Lletres Asturianes.

1 comentarios:

p.a. | 8 de mayo de 2009, 20:08

neña, tienes el don de la emoción en cualquier llingua. a ver cuando esos versos n'asturiano -medio secretos- nos respiguen los deos nun llibru...