Diariu d´una poeta recién cansada (1)
Tar nel núcleu tamién ye tar fora
Suena´l teléfonu. Al otro lláu el mi hermanu entrúgame si la xente ta mui triste. Voy per La Castellana, miro derredor y too ta normal. Nun sé dici-y. “Pues na Plaza Oriente la tenéis liá parda de folixa y cares de pena al mesmu tiempu”. Madrid nun sedrá sede ollímpica en 2016. Nun sé si lo sedrá dalgún día, si seguirán atociando. La noticia protagoniza los informativos, l´espaciu televisivu, les portaes la prensa. L´estáu convulsiona ante dalgo que creyó fecho, igual que cola derrota de Rosa n´Eurovisión. Más allá, la ciudá dexa que les coraes-y llatan n´otru xeitu. Peles cais, Madrid estiéndese arguyosa, nun permite que l´arrodien nin la decisión del comité nin nenguna otra.
Nos versos de Pablo García Casado, una máxima: “Estar en las afueras/ también es estar dentro”. La periferia vincúlase col centru, forma parte d´un todo y se compadez del mesmu pesar. Como si la información pasase peles venes, los nervios van dende lo neurálxicu del dolor hasta´l puntu más lloñe del cuerpu. Nesti centralismu tamién hai muncho de fatiga crónica, acaben por sentilo más les partes, orden cerebral de por medio, de lo que ye realmente. Quiciabes se nos fastiadiara´l sistema, adolecemos d´una sintomatoloxía per clara, yá nos duel too, hasta lo que nun duel. L´estáu se lamenta dalgo que nun importa a los sos protagonistes, vivimos preocupáos polo que ocurre nel centru, porque sentimos la necesidá de ser centru.
Y mientres, caénos el pelo, circula mal la sangre peles piernes, fallen les articulaciones, y nun nos damos cuenta.
Suena´l teléfonu. Al otro lláu el mi hermanu entrúgame si la xente ta mui triste. Voy per La Castellana, miro derredor y too ta normal. Nun sé dici-y. “Pues na Plaza Oriente la tenéis liá parda de folixa y cares de pena al mesmu tiempu”. Madrid nun sedrá sede ollímpica en 2016. Nun sé si lo sedrá dalgún día, si seguirán atociando. La noticia protagoniza los informativos, l´espaciu televisivu, les portaes la prensa. L´estáu convulsiona ante dalgo que creyó fecho, igual que cola derrota de Rosa n´Eurovisión. Más allá, la ciudá dexa que les coraes-y llatan n´otru xeitu. Peles cais, Madrid estiéndese arguyosa, nun permite que l´arrodien nin la decisión del comité nin nenguna otra.
Nos versos de Pablo García Casado, una máxima: “Estar en las afueras/ también es estar dentro”. La periferia vincúlase col centru, forma parte d´un todo y se compadez del mesmu pesar. Como si la información pasase peles venes, los nervios van dende lo neurálxicu del dolor hasta´l puntu más lloñe del cuerpu. Nesti centralismu tamién hai muncho de fatiga crónica, acaben por sentilo más les partes, orden cerebral de por medio, de lo que ye realmente. Quiciabes se nos fastiadiara´l sistema, adolecemos d´una sintomatoloxía per clara, yá nos duel too, hasta lo que nun duel. L´estáu se lamenta dalgo que nun importa a los sos protagonistes, vivimos preocupáos polo que ocurre nel centru, porque sentimos la necesidá de ser centru.
Y mientres, caénos el pelo, circula mal la sangre peles piernes, fallen les articulaciones, y nun nos damos cuenta.
Columna publicada en el número 654 de Les noticies.
0 comentarios:
Publicar un comentario