Diariu d´una poeta recién cansada (2)
La vida, como llugar común
Dixisti que sólo diríes con un lince en cuellu, pero ehí tas, saltando´l barullu xente, los guah.es incansables, los padres de familia arguyosos de la so infinitud de críos. La meyor población del país concentrada nel paséu de Recoletos. Como toos los meyores, son poquitinos.
Pilláronte ellí de casualidad: la fecha, la hora, el sitiu. Entrevistes nel Café Gijón a un home que ye pura historia, vas tarde, como siempre, y cuasi tropieces con una adolescente cola cara pintada. Y nun pon nes mexelles el nome de dalgún guapu de Tokio Hotel o de Física o Química, un Take That de la postmodernidá. Lleva escrito “pro vida” y entrúgueste si dalguien pue tar a la escontra.
Pases la tarde mirando pela ventana´l café, sintiendo´l rumor del trasiegu continuu, sicasí esmigayáu d´una manifestación en pro de la privación dellos derechos. Pienses si merez la pena falar d´esto, dedica-y espaciu a toa la intolerancia y el desconocimientu. L´home qu´entrevistes, un noventón alvertíu, nun alcanza a comprender esti retrocesu. Como si del metraxe d´una película introspectiva se tratara, a la so narración de penuries nel franquismu arrímase la semeya instantánea d´esi devenir de xente en conciencia esgrimiendo argumentos nada científicos pero col so farramacu de bata blanca. La vida, dizte l´home dende l´abismu de lo vivío, como si esi conceptu tañera a unos pocos. Como si los demás deprendiésemos agora qué ye vida, y, sobre too, pa quién ye la vida.
Columna publicada en el número 658 de Les noticies.
Dixisti que sólo diríes con un lince en cuellu, pero ehí tas, saltando´l barullu xente, los guah.es incansables, los padres de familia arguyosos de la so infinitud de críos. La meyor población del país concentrada nel paséu de Recoletos. Como toos los meyores, son poquitinos.
Pilláronte ellí de casualidad: la fecha, la hora, el sitiu. Entrevistes nel Café Gijón a un home que ye pura historia, vas tarde, como siempre, y cuasi tropieces con una adolescente cola cara pintada. Y nun pon nes mexelles el nome de dalgún guapu de Tokio Hotel o de Física o Química, un Take That de la postmodernidá. Lleva escrito “pro vida” y entrúgueste si dalguien pue tar a la escontra.
Pases la tarde mirando pela ventana´l café, sintiendo´l rumor del trasiegu continuu, sicasí esmigayáu d´una manifestación en pro de la privación dellos derechos. Pienses si merez la pena falar d´esto, dedica-y espaciu a toa la intolerancia y el desconocimientu. L´home qu´entrevistes, un noventón alvertíu, nun alcanza a comprender esti retrocesu. Como si del metraxe d´una película introspectiva se tratara, a la so narración de penuries nel franquismu arrímase la semeya instantánea d´esi devenir de xente en conciencia esgrimiendo argumentos nada científicos pero col so farramacu de bata blanca. La vida, dizte l´home dende l´abismu de lo vivío, como si esi conceptu tañera a unos pocos. Como si los demás deprendiésemos agora qué ye vida, y, sobre too, pa quién ye la vida.
Columna publicada en el número 658 de Les noticies.
2 comentarios:
Prestóme. Millón y mediu de perdones pol mensaxe que nun contesté, entá toi asentándome otra vuelta per equí, jeje.
El clip, vos sabés, cuando gustes ;)
P.D. El 23 vuelvo al Búho, ahí te quiero ver!!
¡Grande!
Publicar un comentario