Diariu d´una poeta recién cansada (3)
Mieu equidistante
La Selva Negra ye escura, ensin redundancia. La distancia ente los árboles ye tan perfeuta que da mieu, como si la naturaleza se dexara midir cola regla, el raigañu usara cartabón. Cola mesma precisión, la xente muerre. De eso falemos nel tren, camín al llagu Titisee. Los homes y muyeres d´esti país chiflen de tanta simetría. Pienses en Darwin, en Russell, en toos aquellos qu´alcontraren nes lleis xeométriques un furacu pa esficiase. Y pienses nel to país, lloñe dende va tiempu, nes sos ocalitos, la bambolla d´una plaga perfeuta y equidistante.
¿Nel to país muerre xente?
Como d´un suaño baxes del tren, una mañana entames la vuelta a otru sitiu que sigue ensin ser el tuyu. Quiciabes Eliot tresvolara con aquello de “I will show you fear in a handful of dust”, y nun ande´l terror na povisa, l´alcordanza tanxible. Y si deprendemos el mieu como dalgo fresco, pero que seya como cementu: echáu, fitu, cola tiez precisa pa que nun nos rompa´l futuru. Y si atopamos pánico na mesa puesta, la cama fecha, les palabres xustes. Asina les files del bus, del paro, del mercáu paecen catálogu de suicides.
Mires la sala que t´arrodia agora. Les camareres dexen les silles con distancia milimétrica. Preparen los oxetos como con mieu a que falen y suelten que nel fondu too ye caos, nada tan cenciello fuera de la cobertura. Lleguen persones perimportantes a esti coín del mundu. Mientres, nel to país la xente aguanta vivo ensin midir les pulsaciones coles que´l corazón les bombia.
La Selva Negra ye escura, ensin redundancia. La distancia ente los árboles ye tan perfeuta que da mieu, como si la naturaleza se dexara midir cola regla, el raigañu usara cartabón. Cola mesma precisión, la xente muerre. De eso falemos nel tren, camín al llagu Titisee. Los homes y muyeres d´esti país chiflen de tanta simetría. Pienses en Darwin, en Russell, en toos aquellos qu´alcontraren nes lleis xeométriques un furacu pa esficiase. Y pienses nel to país, lloñe dende va tiempu, nes sos ocalitos, la bambolla d´una plaga perfeuta y equidistante.
¿Nel to país muerre xente?
Como d´un suaño baxes del tren, una mañana entames la vuelta a otru sitiu que sigue ensin ser el tuyu. Quiciabes Eliot tresvolara con aquello de “I will show you fear in a handful of dust”, y nun ande´l terror na povisa, l´alcordanza tanxible. Y si deprendemos el mieu como dalgo fresco, pero que seya como cementu: echáu, fitu, cola tiez precisa pa que nun nos rompa´l futuru. Y si atopamos pánico na mesa puesta, la cama fecha, les palabres xustes. Asina les files del bus, del paro, del mercáu paecen catálogu de suicides.
Mires la sala que t´arrodia agora. Les camareres dexen les silles con distancia milimétrica. Preparen los oxetos como con mieu a que falen y suelten que nel fondu too ye caos, nada tan cenciello fuera de la cobertura. Lleguen persones perimportantes a esti coín del mundu. Mientres, nel to país la xente aguanta vivo ensin midir les pulsaciones coles que´l corazón les bombia.
Columna publicada en el número 660 de Les noticies.
0 comentarios:
Publicar un comentario