VIII

VIII

De la que veo un reportaxe de famosos, siento un burbuséu que vien de la cocina
como de sangre de dragón al retirar la espada. Pero sé que nun ye eso.

Destapo la cafetera heredada y pienso nel aceru y n´homes musculosos,
nel mio amigu, que sufre, nes cumes,
poles dees pequeñes de cada pie, por echen en falta´l camín de vuelta.
Camina. Xube.
Cuando pasa sede nunca-y lo diz a naide. Bebe agua de neveru con polvos y sales de farmacia.
Y yo,
veo dalgo fato na tele.

Contemplo l´agua que filtró´l café y resuelvo que podría traer al mio amigu a casa,
agora mesmo.
Sacaría vasos gordos de Nocilla pal whisky
y como si fóremos dalgo mui nuevo
y útil,
brillamos ensin tener que facer gran cosa.

de Sergio Gutiérrez Camblor, Los dioses de Curtis, KRK, 2o1o.