El pan de los hermanos

El pan de los hermanos

Ayeri mesmo, cuntaba güelu, que'l pan yera l'agua de los praos. Precioso ya escaso. Cuando baxéis a África vais saber del dolor cuando falta.
Había díes nos  que sólo quedaba un bizcuechu pa padre. Delles veces si l'allegría rellumaba nos güeyos de madre, sabíemos qu'habían un cachín a la vera cada platu.
Lo malo, dicía, yera dir pa escuela ensin nada o con dalgo tan minúsculo que teníes que guardalo pues nun daba pa repartir un migayu. Pero lo peor venía cuando la maestra nos llevaba d'escursión, como aquella vez na que yo solu tenía bocadillu pues en casa nun quedare nin pan nin chocolate pa la mio hermana.
-Por más que n'años nun faltaren los panes l'amargura sigue nel corazón, dicía pelo baxo, mientres allugaba dos deos nel mio pechu. Quiciabes cola voluntá de que nunca tenga d'enfrentame a la inxusta distribución de la probitú.

de Xosé Bolado. La bona intención. La buena intención. Impronta. Xixón. 2012.