Inercia

Inercia

Buscar dientro´l´pechu y nun atopar
más que niebla y silencie, tiempu y nada.
Querer llorar y nun poder, estériles
los mios güeyos. Abrilos pa volver
al color gris de la tarde gastada,
los inútiles trastos de la vida
domíos baxo´l polvu desprendío
de cada día que nun foi feliz.
Llegar al fondu final d´otru día
col cansanciu como una yedra negra
corrompiendo l´alma y rogar
que tean abiertes les puertes del sueñu.

de Héctor Blanco, "Nortiando", editorial Trabe 2oo5